МОЛИТВА,
ЧТОМАЯ СВЯТЕЙШИМ ПАТРИАРХОМ МОСКОВСКИМ И ВСЕЯ РУСИ КИРИЛЛОМ В СОБОРНОМ ХРАМЕ ХРИСТА СПАСИТЕЛЯ
26 ЯНВАРЯ 2014 ГОДА В ДЕНЬ ОТКРЫТИЯ ГОДА 700-ЛЕТИЯ ПРЕПОДОБНОГО СЕРГИЯ,
ПРИ ОСВЯЩЕНИИ ПАМЯТНЫХ ПАТРИАРШИХ ХОРУГВЕЙ
О, преподобне и богоносне отче наш Сергие! Воззри на нас милостивно, и к земли приверженных, возведи к высоте небесней! Укрепи и утверди нас в вере, в верности и любви к Матери нашей Святой Православной Церкви, да несомненно уповаем получити вся благая от благосердия Владыки Бога молитвами твоими.
Буди нам предстатель милостивый и твердый пред Престолом величествия Спаса нашего Иисуса Христа. Испроси у Господа Славы всеукрепляющей силы благодати Духа Его Святаго, да прикоснется она знаменам сим, в память твою сооруженным и освятит я. Да будут они верным в упование победы, в дерзновение, в крепость и в благословение; предстательством твоим укрепленны, на сопротивных одоление, и ангел ополчением ограждены сущи, да явятся нам знамением победы, сердечныя крепости и мужества.
Ей, земли Русския великий Авво, поминай стадо, еже собрал еси, да сподобимся купно с тобою на Небеси славити в триех ипостасех великого Бога, Отца и Сына , и Святаго Духа во веки веков. Аминь.
БЛАГОСЛОВЛЯЮТСЯ И ОСВЯЩАЮТСЯ ХОРУГВИ СИЯ ОКРОПЛЕНИЕМ ВОДЫ СЕЯ СВЯЩЕННЫЯ, ВО ИМЯ ОТЦА.И СЫНА. И СВЯТАГО ДУХА.АМИНЬ. (трижды с окроплением святою водою)
